王维基FB带路!日本中部搵食永恆

牌又无,维基又走佬……定啲,港视主席王维基Ricky本着香港良心,实情去日本名古屋三重县为公司HKTVmall搜集靓食材,跟商户交流交流啫。寓工作于肠胃,Ricky 4日3夜劲饮劲食,去咗睇捕蚝食海鲜,又歎松阪牛、伊贺烧陶锅饭,亦唔少得新鲜水果。由名古屋搭铁路至三重各城市约1.5至2小时,其实自驾游就最啱,等我哋都跟主席搵食啦!

王维基FB带路!日本中部搵食永恆
三重县培植嘅「香野」、「枥木少女」士多啤梨,亦令Ricky少女心尽现……

窝心海女!海岸鲜味朝圣

三重乃海女之乡,海女会徒手潜水捕捉海产,集中于伊势、鸟羽等沿海地段,Ricky 就遇见海女拎住区旗欢迎佢,仲围威喂喺火炉即烤伊势海老、生蚝、大蚬。想试,出发前就预约鸟羽市的海女小屋Hachiman Kamado 大海鲜餐!

王维基FB带路!日本中部搵食永恆
海女小屋网上有英文餐单供预订,豪华拼盘够最少3人食,整盘¥8,640/HK$590。
王维基FB带路!日本中部搵食永恆
手持区旗仔欢迎嘅海女婆婆,好可爱!
王维基FB带路!日本中部搵食永恆
海女会即席烧海产,又表演跳舞,好客十足。
王维基FB带路!日本中部搵食永恆
正所谓「禾秆冚珍珠」,Ricky捕获刚上水嘅丑怪大生蚝。

Hachiman Kamado

地址:三重县鸟羽市相差町109

网址:amakoya.com

和牛尤物!平吃A5松阪牛

从鸟羽驾车1小时到松阪市,必吃A5松阪牛。顶级赤身、牛舌及牛肋骨肉等肉香扑鼻,用以烧烤或Shabu-shabu一流,Ricky 就话係成世人食过最好味!

王维基FB带路!日本中部搵食永恆
松阪市内的一升びん本店,¥3,240/HK$221和牛套餐价钱实惠,当地人热捧。
王维基FB带路!日本中部搵食永恆
松阪牛由专人按摩过,Ricky话入口即溶。

一升びん本店

地址:三重县松阪市南町232-3

网址

米饭班主!伊贺扫饭锅

北上伊贺约需1小时车程,其烧窑陶艺有过千年历史,已发展到各式各样蒸锅、烤肉锅, 至负离子净水壶都有。八代老店「长谷园」以琵琶湖陶土製作,能锁住米香,开饭喇喂。

王维基FB带路!日本中部搵食永恆
伊贺烧陶製饭锅¥10,000/HK$683
王维基FB带路!日本中部搵食永恆
伊贺烧饭锅出名能锁住米香,Ricky忍唔住买咗个煲返香港!
王维基FB带路!日本中部搵食永恆
三重纪北町吉祥物「鱼君」被熊抱!

王维基FB带路!日本中部搵食永恆

长谷园

地址:三重县伊贺市丸柱569

网址

最萌忍者!齐齐变身忍者

伊贺市係闻名遐迩嘅「忍者工厂」,Ricky 就参观咗忍者博物馆。市面亦有不少主题商店,小店万香园近期仲帮猫咪换上忍者造型,人人抢住去食TEA 同佢哋自拍!

王维基FB带路!日本中部搵食永恆
市内的「忍者变身处」有得出租忍服,约¥700/HK$48,街上更随时会遇上「忍犬」。
王维基FB带路!日本中部搵食永恆
万香园原本係忍者学堂,现改为茶道店,并有忍者猫小柯、小茶驻场。

むらい万香园

地址:三重县伊贺市上野小玉町3130

FB:むらい万香园

延伸阅读:日本网民票选! 3款必买最受欢迎零食

日本千叶县世界级「天空之镜」! 如置身千与千寻场景